MEPIS gnu/linux [EU]

Debian GNU/Linux distro handian egin ohi dugun bezala eta kontutan harturik MENPIS Debian eta Ubuntu dituela abiaburu, apt-get izeneko sistema ere erabili ahal da softwarea gaurkotzeko eta berria eskuratzeko. Sistema osoa apt-get komandoan oinarritzen da. Baina, begira dezagun zein diren urratsak edo ohiko moduak gure sistema gaurkoturik eta findurik edukitzeko.

Lehenengo, gogora dezagun kontsola bat zabaldu behar dugula apt-get komandoa baliatzeko. Kontsolan root edo nagusiaren rola eduki behar dugu apt-get komandoa erabiltzeko. Hortaz, kontsolan ondokoa idatzi behar dugu erabiltzaile arruntetik root izatera pasatzeko:

# su
password:

Behin root rola hartuta eta kontsolan bertan, honakoa idatzi pakete erabilgarrien zerrenda gaurkotzeko:

apt-get update

Hurrengo urratsa daukagun guztia batera upgradatzea da:

apt-get upgrade

Pakete zehatz bat gaurkotu nahi badugu, ondokoa da komandoa:

apt-get install pakete-izena

Eta pakete bat kendu nahi izanez gero, ondoko agindua idatzi behar dugu kontsolan:

apt-get remove pakete-izena